Saturday, January 8, 2011

ကွန်ပျူတာများ အတွက် Kinect လာ တော့မည်

3D နည်းပညာ ဖြင့် မိမိ လှုပ်ရှားမှု အတိုင်း မြင်နေရသော Kinect နည်းပညာ ကို Microsoft က မပိုင်ဆိုင်ဘူး ဆိုတာ လူအများ မှ သိချင်မှ သိပါလိမ့်မယ်။ အဆိုပါ Kinect နည်းပညာကို ပိုင်ဆိုင်ပြီး ထုတ်လုပ် နေသော ကုမ္ပဏီ အား PrimeSense ဟု ခေါ်ပြီး အစ္စရေး နိုင်ငံ မှာ တည်ရှိ ပါတယ်။ ထိုကုမ္ပဏီ ဟာ ၂၀၀၅ ခုနှစ် မှ စတင် တည်ရှိ ခဲ့တာ ဖြစ်ပြီး ၄င်းတို့ ၄င်း အား ကမ္ဘာပေါ်တွင် 3D Digital ဖြင့် မြင်နိုင် ၊ လှုပ်ရှား နိုင်သော ကုန်ပစ္စည်းများ ထုတ်လုပ် နေသော ကုမ္ပဏီ ဟု ကြော်ငြာခဲ့ ပါတယ်။
သိပ်မကြာသေးခင် ကာလ မှာတော့ ၄င်းတို့ဟာ ကွန်ပျူတာ များတွင် အသုံးပြုနိုင်မည့် Kinect ထုတ်ကုန် များ ကို ထုတ်လုပ် သွားမှာ ဖြစ်ကြောင်း ကြော်ငြာခဲ့ ပါတယ်။
ယခင် နှစ် အတွင်း PrimeSense မှာ Mircrosoft ၏ Xbox 360 အတွက် Kinect ထုတ်ကုန် များ ကို ထုတ်လုပ် ပေးခဲ့တဲ့ အတွက် လူအများမှ ကွန်ပျူတာများ ပေါ်တွင် နောက်ထပ် ထုတ်လုပ် ပေးမည့် Kinect မှာ Microsoft မှ သာ ထုတ်လုပ် မည် ဟု ထင်မှတ် လျှက် ရှိနေကြပါတယ်။ သို့သော်လည်း ထူးခြား ချက် ကတော့ ပြိုင်ဘက် ASUS တံဆိပ် နှင့် PrimeSense မှ ကွန်ပျူတာ များ အတွက် Kinect အား အဓိက ထုတ်လုပ် သွားမည် ဟု ကြော်ငြာ ခဲ့ခြင်းပဲ ဖြစ်ပါတယ်။
အဆိုပါ ASUS တံဆိပ် နှင့် ထုတ်လုပ် မည့် Kinect အတွင်း Wireless စနစ် ပါဝင် သွားမှာ ဖြစ်ပြီး အဆိုပါ Device ၏ နာမည် ကိုလည်း ထူးခြားစွာ ခေါ်ရခက်သော WAVI Xtion လို့ အမည်ပေးထားပါတယ်။
၎င်း WAVI Xtion နှင့် တွဲဖက် ထွက်ရှိလာမည့် Application ကိုတော့ Xtion PRO ဟု ခေါ်ပြီး ၄င်းမှာ ကွန်ပျူတာ ပေါ်တွင် 3D နည်းပညာ ဖြင့် ပတ်သက်ကာ Xbox 360 ပေါ်တွင် Kinect လုပ်ဆောင်ပုံ နည်းတူ ပြုလုပ်ပေးမယ့် Software ပဲ ဖြစ်ပါတယ်။ PrimeSense နှင့် ASUS တို့မှာ Xtion အတွက် Online Application Store ကို ပင် ပြုလုပ်ရန် ပြင် ဆင်ထားပြီး ဖြစ်ကြောင်း သိရှိရပါတယ်။
ယခု လောလောဆယ် မှာတော့ လူအများ မှ Microsoft မှ ကြော်ငြာခဲ့သည့် PC များအတွက် Microsoft Kinect ကို မေးခွန်းထုတ်နေပြီး အဓိက မှာ တော့ Microsoft နှင့် PrimeSense တို့၏ သဘောတူညီမှုမှာ Xbox360 တွင် သာ ရပ်တန့်သွား နိုင်ခြင်း နှင့် PrimeSense ၏ WAVI Xtion မှာ အရင်ကာလ များထဲက PC များ ပေါ်တွင် ထုတ်လုပ် သွား ရန် သဘောတူ ညီ ထားခြင်း ရှိမရှိ ပဲဖြစ်ပါတယ်။
နောက်ဆုံး ရ သတင်း များ ကတော့ WAVI Xtion အား 2011 ခုနှစ်လယ် ပိုင်းတွင် ထုတ်လုပ်သွားမည် ဟု ကြော်ငြာ ထားပြီး Application ဖြစ်သော Xtion PRO ကိုတော့ လာမည့် လ အတွင်း ရရှိ သုံးစွဲ သွား နိုင်တော့ မှာ ဖြစ်ကြောင်း တင်ပြ လိုက်ရပါတယ်

0 comments:

အယ်ဖိုး © 2008 Template by:
SkinCorner